admin
ایران کی سخت وارننگ، ہماری انگلیاں ٹریگر پر ہیں، کسی بھی جارحیت کا شدید اور دردناک جواب دیا جائے گا۔تہران (خبر ایجنسی): ایران نے امریکا اور اسرائیل کو سخت پیغام دیتے ہوئے خبردار کیا ہے کہ اس کی مسلح افواج مکمل طور پر الرٹ ہیں اور کسی بھی ممکنہ جارحیت کا فوری، سخت اور “دردناک” جواب دینے کے لیے تیار ہیں۔ایرانی سپریم لیڈر آیت اللہ علی خامنہ ای کے مشیر علی شمخانی نے اپنے تازہ بیان میں کہا ہے کہ ایران کی دفاعی صلاحیت مکمل طور پر فعال ہے اور اگر امریکا یا اس کے اتحادیوں نے ایران کے خلاف کسی قسم کی فوجی کارروائی کی تو اس کا جواب بھرپور طاقت سے دیا جائے گا۔ انہوں نے دوٹوک الفاظ میں کہا کہ ہماری انگلیاں ٹریگر پر ہیں، دشمن کی کسی بھی غلطی کا فوری اور فیصلہ کن جواب دیا جائے گا۔ادھر ایرانی پاسدارانِ انقلاب (IRGC) کے چیف کمانڈر جنرل محمد پاکپور نے بھی سخت مؤقف اختیار کرتے ہوئے کہا کہ ایرانی افواج سپریم لیڈر کے حکم کی منتظر ہیں اور کسی بھی ممکنہ حملے کے جواب کے لیے مکمل تیار ہیں۔ انہوں نے امریکا اور اسرائیل کو خبردار کیا کہ وہ خطے میں کشیدگی بڑھانے سے باز رہیں، بصورت دیگر نتائج کی تمام تر ذمہ داری انہی پر عائد ہوگی۔ایرانی وزیر خارجہ عباس عراقچی نے بھی اپنے بیان میں واضح کیا کہ ایران ہمیشہ منصفانہ اور شفاف سفارت کاری کا حامی رہا ہے، تاہم دھمکیوں، دباؤ اور فوجی جارحیت کے ماحول میں مذاکرات ممکن نہیں۔ ان کا کہنا تھا کہ ایران اپنی خودمختاری، قومی سلامتی اور جوہری حقوق پر کسی قسم کا سمجھوتہ نہیں کرے گا۔ایرانی حکام کے مطابق ملک کی بری، بحری اور فضائی افواج کو ہائی الرٹ کر دیا گیا ہے جبکہ دفاعی تنصیبات اور حساس مقامات کی سیکیورٹی مزید سخت کر دی گئی ہے۔تجزیہ کاروں کے مطابق ایران کے اس سخت مؤقف سے مشرقِ وسطیٰ میں پہلے سے موجود کشیدگی میں مزید اضافہ ہو سکتا ہے، جبکہ عالمی برادری خطے میں کسی بھی نئی عسکری محاذ آرائی کو روکنے کے لیے سفارتی کوششیں تیز کر رہی ہے۔(خبر ایجنسی)
by 
